Helga Þórey í Undralandi

Það fer ekki fyrir veðurblíðunni hér í Efstaleitinu. Mér finnst það gott. Ég var búin að kvíða fyrir að þurfa að sitja inni í góða veðrinu í allt sumar. Við Marta horfðum saman (símleiðis) á veðurfréttirnar í gær og það spáir ekki fallega.

Þetta er skrýtnasta sumar í heimi. Það er ekki líkt neinu öðru. Kannski er það vegna þess að ég er að verða þrítug. Eins og það skipti máli, HNEGG. Ágætur samstarfsfélagi minn tjáði mér það á Hróarskeldu að þegar maður yrði þrítugur þá myndi fólk hætta að bjóða manni í partý en í staðinn væri manni boðið í matarboð. Mér finnst reyndar ágætt að fara í matarboð. Eiginlega bara skemmtilegra en sum partý. Þetta sagði allt sem segja þurfti.