Helga Þórey í Undralandi undrast

Sænska hljómsveitin Pix ætlar að skemmta gestum á Hressó í kvöld klukkan níu. Pix leika bræðing af reggí og fönki, poppi og pönki og hafa hlotið einróma lof fyrir í heimalandi sínu. Sveitina skipa þeir Micke Svensson, Nils Törnqvist og Andreas Gabrielsen. Þar sem Gabrielsen komst ekki með í tónleikaferð þeirra pilta leika þeir Petter Winnberg og Sigurður H. Guðmundsson með Pix í kvöld ásamt fleiri góðum gestum. Aðgangur er ókeypis og eru aðdáendur gæðatónlistar hvattir til að mæta.

Tóndæmi og annað slíkt má nálgast á link PIX hér til hliðar!

Á laugardaginn voru liðin tvö ár síðan innrásin var gerð í Írak. Þetta hafðist upp úr því.

Í gær kom Lóan og á morgun kemur Róbert Fiskur. Þá gæti ég þurft að standa við áheitið… Það eru örugglega allir búnir að gleyma því.

Í kvöld ætla ég út að skemmta mér en svo verð ég að vinna. Það er ágætt. Vona að ég lamin eigi verð.

Í fyrradag sofnaði ég á sófanum og beyglaði handlegginn minn svo illa að ég er ennþá að drepast. Mér líður eins og ég þurfi fatla. Ái.

Electro er kominn til Íslands og á morgun (að ég held) koma Conrad og frú ásamt dóttur þeirra. Annars er nú gaman að segja frá því að tónlist Conrad Electro verður flutt í sjónvarpi. Reyndar sem bakgrunnstónlist en flutningur er það nú samt.

Lóan er komin.

Það er eitthvað ógeð að myndast í hálsinum á mér. Ég vona að ég fái ekki kýli eins og Ragga. Ég ætla að borða pensillín um LEIÐ og ég kem heim.

Ég hef ákveðið að reyna við Yasmin aftur. En þetta verður í síðasta skipti. Mér er hvort eð er alltaf óglatt - bíttar ekki máli þótt Yasmin sé memm.

…er gott að vera í skærbleikum sokkum. Úldin og úrvinda Helga Þórey skreiddist fram úr rúmi í morgun, ók af stað til vinnu og komst að því að ekki allir deila hennar framúrskarandi góða tónlistarsmekk. Erðanú! Hnuss.

Svo lærði ég á laugardaginn að ég hef kvalið Hjördísi og Mörtu reglulega í tvö heil ár, fullkomlega óafvitandi. Ég myndi biðjast afsökunar á hnjánum ef ég vissi ekki að það hlakkar í truntunum tveimur. Einnig veit ég líka allt sem allir gerðu á Sirk á laugardaginn. Hverjir fóru í sleik og hverjir ældu á aðra. Hverjir voru bornir út og hverjir eru bara hreinræktaðir fávitar með víni. Eigi var við öðru að búast.

Ég hlakka til að fá páskaegg. M&P hafa haldið í siðinn að gefa börnum sínum egg, þrátt fyrir að eitt þeirra sé að verða þrítugt. Sem betur fer hafa þau farið stækkandi með árunum. Einu sinni fékk ég alltaf nr. 4 frá N&S, síðast fékk ég nr. 6 eða 7. Jibbí!

Allir sem þekkja mig nógu vel vita hvað mér finnst um súkkulaði ættu að hugsa til mín á sunnudaginn.

…talaði ég við einn af tónleikahöldurum Hot Chip. Hann er svosum fínn - eða hvað? Hann er vinur vinkonu minnar svo að ég skal ekki nafngreina hann… Hey, hann sagði að þetta hefði verið með ráðum gert að láta þá spila svona seint. Ég spurði hann hvort hann héldi að íslenskir tónleikagestir fíluðu að bíða svona lengi. Honum fannst ég vera klikkuð og áleit mig ekki hafa neitt kredit í tónlistarmálum…

Sem sýnir hvað hann er mikið fífl. Hann var yfirlætislegur og gaf mér framkomuna: Ekki halda að þú skiljir hvernig á að halda góða tónleika. HALLÓ! Ég hef ekki haldið lélegt partý síðan ég var 12 ára. Og þessir tónleikar sökkuðu. Fólk gekk út. Það vildi ekki bíða til tvö eins og á ellukvöldstónleikum. Þetta var lélegt. Destiny ættu að hætta að hlusta á Bush eða Vinyl og hlusta á þá sem fara á tónleika og vita hvað þeir/þær eru að tala um.

Hann er með lélegan tónlistarsmekk. Hann ætti kannski að flytja inn Anastaciu eða Gwen Stefani. Fokking ömurlegi DJ og ömurlegi tónleikahaldari. Sama hvort hann sættir sig við það, þá klúðruðu þeir þessu. Betra að viðurkenna það bara og læra. Frekar en að þusa á kallrembulegan hátt um hvernig tónleikar eiga að vera. Hann er örugglega með lítið typpi.

Það er bannað að hræða mömmu mína. Núna heldur hún að ég sé alltaf útúr sveppuð um víðan völl. Svo er ekki.

Dást að litum = Drengur sem mér leist vel á í svona korter
Blankheit = Lág laun
Niðurstaða = Meiri vinna

Sem ég hef og fengið og byrja nú þegar.

Ætli Robert James Fischer þurfi líka að breyta nafninu sínu eins og aðrir sem fá ríkisborgararétt? Hvað ætti hann eiginlega að heita?

Oj bara hvað það var viðbjóðslega leiðinlegt á Hot Chip. Ég er ekki par hrifin af því að þurfa að bíða eftir hljómsveit kvöldsins til klukkan 2:15. Svo spiluðu þeir alltof stutt. Skamm, skipuleggjendur, skamm!

Svo voru sex Íslendingar sem ætluðu að gera þetta. En þeir geta nú bara sjálfum sér um kennt að vera með svona ömurlegan tónlistarsmekk.
Harharhar!

Btw. Anna í Köben er með einhverjar dylgjur um meinta eiturlyfjaneyslu mína. Dísess, dóp er svooooo ‘95 (kred: EKE).

Ég ætla á Hot Chip í kvöld. Það er gaman að gera. Eftir það langar mig til að dást að litum fram í morgunsárið.

Í gær þurfti ég að skila bílnum fagra. Mig langar til að eiga hann. Fallegi, ljóti Isuzu-pallbíll.