umstangið böggar mig mest. á airwaves var reykingafólk sent út eins og annarsstaðar en þurfti það svo aftur að fara í röð að sígarettu lokinni. það þykir mér hinn versti nasismi og léleg þjónusta - því þrátt fyrir að vilja ekki reykja sjálf þá finnst mér engin ástæða til þess að haga sér eins og fífl, það hefði alveg verið hægt að hafa búr þar eins og annarsstaðar. í háskóla íslands má verða var við bjánagang hvað varðar reykingar. fyrir utan aðalbyggingu eru ljót skilti sem banna reykingar. gott og vel. en þar sem það eru engir öskubakkar eða stubbahús nálægt byggingunni eru sígarettustubbar úti um allt. sumir myndu kalla reykjandi háskólanema sóða, ég myndi kalla þá sem þessu ráða í slæmum tengslum við raunveruleikann. ef það væri stubbahús einhversstaðar út á horni eða á bak við hús þá myndi reykingafólk sækja þangað. ef það væri ein ruslafata fyrir utan aðalbyggingu þá myndi dágóður hluti reykingamanna henda stubbunum sínum í hana. það veit ég því ég hef margoft neyðst til að henda stubbum í ruslafötuna inni eða á gangstéttina, gangandi vegfarendum til mikils ama.

ofnæmislæknirinn minn sagði mér að síðan reykingabannið tók gildi tæki hún eftir því að fólk reykti meira í bílunum sínum. ég veit ekkert um hvað hún er að tala en það má vel vera rétt. svo sagði hún mér hvað sér þætti það hræðilegt að vera stopp í bílnum sínum á ljósum þegar manneskjan í bílnum fyrir framan hana reykti. lyktin væri svo ægileg. þá sagði ég henni söguna af háskólanemanum sem fór út í smók í sínum frímínútum en að loknum skóladegi þá þyrfti hann að hjóla í gegnum vatnsmýrina þar sem aðrir nema keyrðu framhjá honum á bensínhákunum sínum. einn í hverjum bíl. ofnæmislækninum hafði aldrei dottið í hug að önnur mengun en reykingar væri óþolandi. frekar furðulegt af ofnæmislækni.

reykingar angra mig ekki sérlega mikið þótt ég sé vissulega fegin að vera laus við þær af kaffihúsum. reyndar finnst mér að veitingahúsarekendur mættu bara kaupa sér reykingaleyfi eins og vínveitingaleyfi, uppfylla ákveðin skilyrði og leyfa reykingar ef þeim sýnist. mest af öllu vildi ég að allir aðrir hættu líka að reykja. þá myndi ég aldrei aftur þurfa að sitja úti á hressó eða bíða á meðan einhver fer í smók. en þangað til að það gerist ætla ég að hlæja að háskólanum fyrir furðulega reykingastefnu sína við aðalbyggingu, ofnæmislækninum sem þjáist fyrir sígarettureyk í umferðinni og öllu fólki sem röflar yfir reykingum utanhúss.

Svo ætlum við hjónin út að borða í kvöld. Enda er öllum tímamótum á þessu heimili fagnað!

Þessir eiga ammæli sama dag og ég:
Ol’ Dirty Bastard
Kevin Eubanks
Anni-Frid í Abba
Sam Waterston
Petula Clark
Erwin Rommel “Wüstenfuchs”

Í Bandaríkjunum er endurvinnsludagurinn haldinn hátíðlegur auk þess að Palestínumenn fagna þjóðhátíðardegi.

Á Íslandi er til fyrirbæri sem heitir Íslenska kvikmynda- og sjónvarpsakademían. Samtökin taka sig greinilega ekki sérlega alvarlega því að eins og nafn þeirra gefur til kynna eru þau afar hófsöm og lítillát rétt eins og aðrar akademíur. Þar sem ég stunda núna akademískst nám í bókmennta og kvikmyndafræðum við Háskóla Íslands þykir mér furðulegt að enginn úr þessari ‘akademíu’ hafi á fjörur mínar rekið.

Til að byrja með vil ég benda þeim sem lesa að skoða tilnefningarnar hér.

Í fyrsta lagi skil ég ekki flokkana. Afhverju eru þrír tilnefndir í sautján flokkum af tuttugu og einum en fimm í flokkunum Leikið sjónvarpsefni ársins, Frétta- eða viðtalsþáttur ársins, Skemmtiþáttur ársins og Heimildamynd ársins? Er það svo vegna þess að það eru svo margir skemmtiþættir en fáir handritshöfundar eða leikarar? Væri ekki tilvalið að fólk sem hefur staðið sig vel bæði á vettfangi sjónvarps og kvikmynda gætu fengið að njóta sín? Mættu þessar kategóríur ekki vera aðskildar? Mættu þetta ekki vera tvenn verðlaun? Ég er viss um að bæði sjónvarps- og kvikmyndafólk tæki því fagnandi að fá betra svigrúm fyrir sínar greinar.

Í öðru lagi skil ég ekki tilfnefningarnar. Latbær sem leikið sjónvarpsefni ársins? Í sama flokki og Svartir englar og Dagvaktin? Í alvöru talað? Hvað með óskapnaðinn Gott kvöld? Ég held ég hafi aldrei horft á slappari sjónvarpsþátt og nú skal ég rökstyðja mál mitt. Í fyrsta lagi er stjórnandinn ekki starfi sínu vaxinn. Hún er ágætisstúlka hún Ragga Steina og stendur sig alveg sæmilega svona miðað við að hún hefur ekki menntun til að bakka upp veru sína í þættinum. Hún leyfir viðtölunum aldrei að þróast heldur stoppar af skemmtilegar samræður til þess að koma að stöðluðu spurningunum sínum um hvernig lög verða til eða hvort viðkomandi hafi alltaf ætlað að verða tónlistarmaður. Við skulum ekki gleyma leynigestunum tveimur sem verða nauðsynlega að vera með til þess að slátra stemmingunni. Bara það að ég sé búin að sjá í gegnum formúluna segir mér hversu arfaslakt efni þetta er. Af hverju verður að vera formúla? Má ekki poppa þetta upp á einhvern annan hátt en að láta Samma í Jagúar röfla og/eða dansa hresst? Það er á fárra færi að missa niður þátt með Sigtryggi Sykurmola innanborðs - en það tókst R.S. auðveldlega. Og að sjálfsögðu var skemmtilegasti hluti viðtalsins, þegar Einar Örn og Bragi komu, eyðilagður því þá var tíminn búinn - hefði ekki mátt sleppa Marokkó sögunni? Þetta var einn einkabrandari, hann var ekki einu sinni góður.

Mér dettur í hug allt það ágæta fólk sem ég hef unnið með á fjölmiðlum. Fólk með menntun, þroska og margra ára reynslu af fréttamennsku og fjölmiðlum. En Páll Magnússon kýs að ganga framhjá þeim vegna þess að þau eru ekki nógu hæf? Ekki nógu vel að sér um efnið? Ekki nógu vel menntuð? Ekki nógu reynd? Það er búið að eyða mörgum árum í að þjálfa R.S. í þetta hlutverk en engu að síður veldur hún því ekki.

Ég hefði útnefnt Innlit/Útlit sem skemmtiþátt ársins, eða Vörutorg, engir þættir hafa skemmt mér jafn vel og þeir. Svo mætti færa þetta yfir á vordaga - ég meina hvað voru margir þættir af Gott kvöld eða Kátu maskínunni farnir í loftið þegar þessi listi var soðinn saman? Maður spyr sig. Eitt enn, ég nenni ekki að horfa á þetta einkapartý í sjónvarpinu á sunnudaginn. Getur þetta ekki farið á íþróttarásina sem allir bíða eftir?

P.S. Ég þakka þó fyrir að Kastljósið var ekki tilnefnt. Ég held að það sé versti þáttur sem íslenskt sjónvarp hefur upp á að bjóða um þessar mundir.

En ekki svona:

Svo mæli ég með því að fólk lesi bloggið hennar Láru Hönnu. Það er betra en allir fjölmiðlarnir til saman. Annars er ég bálreið út í Fréttablaðið í dag - þessi umfjöllun dregur trúverðugleika blaðsins í efa. Svona hefði ég ekki fjallað um efnið - mér finnst þetta mjög óheiðarlegt.

Annað: Eru þið hálfvitar þið sem eruð í Samfylkingunni? Segið ykkur úr stjórnarsamstarfinu strax! Ég hef misst alla virðingu fyrir flokknum ykkar. Það er eitt að vera spilltur svindlari eins og Sjálfstæðismenn en að þykjast vera jafnaðarmannaflokkur og láta þetta viðgangast er aumingjaháttur sem ég hélt að meira að segja þið væruð yfir hafin! Þið ættuð að skammast ykkar!

Enn annað: Ég er sammála þeim sem segja að viðtal Binga í gær hafi verið slappt. Það litla sem ég þekki af Birni Inga er svosem sæmilegt en hann er spilltur stjórnmálamaður og hann notar alltof mikinn rakspíra. Spilltir stjórnmálamenn eiga ekki að starfa inni á fjölmiðlum, þeir eiga ekki að sinna ritstjórn eða bera ábyrgð á eigin viðtalsþætti. Ekkert persónulegt, bara prinsipp.

Trúverðugleiki fjölmiðla á ALLTAF að vera í fyrirrúmi. Fréttablaðið á ekki að haga sér eins og það þurfi að selja sig í sjoppum og Mogginn ætti að sleppa þessum Baugsveiðum. Þær eru augljósar og slá ekki ryki í augu neinna nema vanhæfra fjölmiðlamanna- og kvenna á Íslandi. Ég held að blaðamönnum veitti ekki af að horfa á All The President’s Men. Hún minnir mann á þá gríðarlegu vinnu sem liggur á bak við góðar fréttir. Ekki bara símtal, skúbb og ljósmynd úr safni.

ATH! Hér hef ég ekkert skrifað um Sjónvarpið vegna þess að ég tek ekki mark á þeim ‘fréttamiðli’ lengur. Fréttaflutningur Stöðvar 2 var svo ömurlegur í gær að það er heldur ekki fleiri orða virði.

(Myndirnar að ofan eru frá Mogganum og Jóhanni Þresti)

- Það þýðir ekkert að mótmæla, það hlustar enginn á ykkur (uppgjöf).
- Sumir/VG þurfa alltaf að vera á móti öllu (hópsálir).
- Af hverju ættu stjórnvöld að vera að vinna gegn fólkinu? (auðtrúa)
- Ha? Voru mótmæli, ég vissi það ekki (áhugalausir).
- Æi, ég nennti ekki að fara ég var í Kringlunni/barnaafmæli/þynnku/úti á landi/heima/í heimsókn (kapphlaupsfólk).
- Nei, til hvers? (svo hlegið hæðnishlátri) (illa upplýstir).
- Æi, maður ætti nú að fara (samviskubitnir)

Þrátt fyrir útbreiddan misskilning, sérstaklega á meðal ættingja minna frá Akureyri, er ég hvorki Vinstri Græn né Samfó. Ég hef aldrei verið flokksbundin. Ég er skynsemissinni, ekki mótmælasinni. Ég var á móti Kárahnjúkavirkjun því að mér finnst álver vera svo hræðilega léleg hugmynd. Mjög 1935, mjög Stalín. Ég er hlynntari þróun í hátækni, upplýsingatækni, túrisma og fræðslu. Ég vildi skapa tækifæri fyrir öll menntunarstig á Austfjörðum. Vinkonur mínar að austan eiga margar hverjar ekki afturkvæmt eftir nám. Það er ekki til nein vinna sem hentar þeim. Hvernig hefði verið að reisa eins og eina menntastofnun fyrir austan? Rannsóknamiðstöð? Eitthvað sem þjónar hugvitinu. Það eru stórkostleg tækifæri fyrir austan.

Ástæða þess að ég mæti á mótmæli er sú að ég er prinsippkona. Ég er á móti mengandi iðnaði, það kemur pólitík ekkert við. Ég var á móti herstöðinni því að ég er á móti hernaði yfirhöfðuð - þannig er ég að sjálfsögðu á móti NATÓ. Það sprettur ekkert gott úr hernaði. Af sömu ástæðu mótmælti ég stuðningsyfirlýsingu Dabba og Dóra við Íraksstríðið. Þvílíkir bjánar að styðja peningaveiðar Bush-fjölskyldunnar. Þeir eru heimskir ameríkanar - í besta falli. Síðast en ekki síst þá er ég á móti spillingu, ég þoli hana ekki. Og núna er spillingin á Íslandi heldur betur að koma í ljós. Ég veit hvað þið eruð að gera, svindlararnir ykkar. Þið eruð að hækka launin ykkar á meðan gamalt fólk er að tapa öllu sínu. Gamalt fólk - þau strituðu fyrir okkur þarna fíflin ykkar!

Mér finnst ákvarðanir ríkisstjórnarinnar margar hverjar asnalegar og ef þú ert ekki sammála mér, hugsaðu þá um allar hinar gáfulegu ákvarðanirnar sem snillingarnir í Stjórnarráðinu hafa tekið og þú skilur hvað ég á við.
Dæmi: Núna í haust fékk menntamálaráðherra þá brilliant hugmynd að lengja kennararnám um tvö ár án þess þó að hækka laun kennara. Þetta ræddi hún fjálglega í umræðuþáttum sjónvarpsstöðvanna. Var hún búin að gleyma því að kennarar eru á svo ömurlegum launum að þeir þurfa að fara í verkfall reglulega til þess að knýja fram breytingar á sínum hag? Hélt hún að þeir væru alveg til í að eyða fimm árum í nám í stað þriggja að vera með sömu skítalaunin áfram? Þvílíkur blábjáni. Það er eins og mig minni að hún hafi verið í útlöndum í síðustu kennaradeilu. Svo er það nú önnur saga en peningasukk menntamálaráðherra og fleiri í Kína gerir mig óða úr bræði.
Dæmi: Áðurnefndur stuðningur við stríðið í Írak. Halló, hve mikill bjáni þurftiru að vera til þess að styðja það. Pólitík, smólitík.

Í bankanum mínum get ég ekki fært lánið mitt yfir til Íbúðalánasjóðs vegna þess að það er bundið í lög að bankarir verði að sækjast eftir því sjálfir. Það hafa þeir ekki gert og enginn rekur á eftir því (nema Jóhanna S.). Sjónvarpskonan vanhæfa, Jóhanna V., var með Bjarna Ben og Steingrím J. á borðinu hjá sér um daginn. Hún sá sér ekki fært að rannsaka málin nægilega vel fyrir þáttinn og gat því ekkert rætt við þá tvo um þetta. Ef ég hefði Bjarna Ben fyrir framan myndavél myndi ég spyrja hann hvernig honum tækist að réttlæta það að vera stjórnarmaður í N1 og þingmaður á sama tíma. Bara svona til að gá hvað honum finnst. En fjölmiðlar á Íslandi eru með flensu núna. Því er nú ver og miður.

Vissuði að Gunnar Birgisson, bæjarstjóri Kópavogs, er stjórnarformaður LÍN? Það er ekki nema furða að hann sé svona hátt settur hjá Sjöllunum. Hann er búin að moka inn tekjum fyrir bankana í mörg ár með því að pína fátæka nema til þess að taka yfirdráttarheimild og borga af þeim meira en 20% vexti fyrir námslánunum.

Varðandi mál Þorgerðar Katrínar og Kristjáns Arasonar í svindlinu sem enginn fjölmiðill nennir að fjalla um þá hef ég bara eitt að segja: Þið misnotuðuð aðstöðu ykkar og ég veit það - ég veit að þið eruð spillt og mér er skítsama hvernig ykkur tekst að réttlæta það. Ég veit það og mörg þúsund annarra vita það. Verði ykkur að góðu, ég vona að peningarnir ykkar bæti ykkur upp sálarleysið.

Þegar ég var krakki dreymdi mig um að frelsa Nelson Mandela úr fangelsi. Vegna þess að ég hef réttlætiskennd. Mér fannst hræðilegt að hann væri í fangelsi fyrir að vilja vera frjáls. Fólkið sem á ekkert sparaði og fjárfesti sínum fáu aurum til þess að eiga aðgang að frelsi seinna meir. Eigið húsnæði, ferðalög og fleira. Ekkert þeirra átti einkaþotu. Ekkert þeirra var í aðstöðu til þess að hækka launin sín sjálft, skreppa til Kína eða drekka kampavín á Feneyjatvíæringnum. Fyrir þau okkar sem eiga ekki bót fyrir rassgatið á sér mæti ég á Austurvöll á eftir og vona að fleiri hafi rænu á því að gera slíkt hið sama.

Marri sagði einu sinni við mig: Ef maður er í vafa hvort maður eigi að taka afstöðu eða með hverjum, þá á maður alltaf að velja þá sem minnst eiga og mega.
Ég er sammála honum, það er ekki að ástæðulausu að ég kalla hann bestu vinkonu mína.

Zeitgeist Addendum