Helga Þórey í Undralandi undrast

Þessi tímamótafærsla er númer þúsund. Ég óska sjálfri mér til hamingju með að hafa bloggað þúsund sinnum. Núna get ég sagt: ‘Ég hef þúsund sinnum bloggað um þetta,’ án þess að vera að ljúga. Stundum þegar ég segi eitthvað óáhugavert við Einar, sem er afar sjaldan, segir hann: Þú ættir að blogga um þetta!

Þetta lag heitir 1000 Eyes. Það var það eina sem mér datt í hug með orðinu 1000 í. Enda dettur mér ekkert í hug þessa dagana nema að kaupa fleiri taubleiur og undirbúa komu erfingjans. Þetta er mjög stílkrumpandi ástand. En lagið er flott. Lagið er meira að segja mjög flott.

heimild: http://www.tmz.com/

Segðu af þér Valtýr, þú ert vanhæfur og við viljum þig ekki. Á meðan þú þrætir undirstrikarðu vanhæfi þitt.

Segðu af þér Gunnar, þú ert spilltur og það vita það allir. Og skilaðu svo peningunum áður en þú drekkir sorgum þínum á Goldfinger. Kópavogsbúar hafa borgað nóg fyrir þig.

Segðu af þér Árni Páll, íslenska þjóðin hefur fengið sig fullsadda af sérhagsmunagæslu milljónamæringa í ráðuneytunum.

Stúdentaráð er svo upptekið af þeirri ógurlegu frelsisskerðingu að setja gjaldskyldu á bílastæðin sem eru næst Háskóla Íslands að þau neituðu ungri konu að koma þeim málstað á framfæri að þeir sem ættu bíla mættu að sjálfir greiða fyrir að leggja þeim. Rétt eins og er gert við LSH núna. Enda segja mér kunnugir að mun auðveldara sé að fá bílastæði við Landspítalann nú en áður. Ég hvet sem flesta til að skrifa undir og samþykkja það að við sem viljum nota bíla eigum að sjálfsögðu að greiða fyrir stæðin - engir aðrir.

http://www.petitiononline.com/borgum/petition.html

Mér finnst sú orðræða sem sjá má í umfjöllun um fréttir tengdar femínistum sanna að femínisma er þörf. Umtalið er svo niðurlægjandi bæði fyrir þá sem það stunda og fyrir því verra að mér verður óglatt við að lesa það. Ómálefnalegra þras hef ég vart fundið.

http://eyjan.is/blog/2009/05/12/karlaslagsida-i-rikisstjorn-ritari-vg/

Við efldum Lín.
- Þorgerður Katrín Gunnarsdóttir

Mér hefur borist sú frétt að það eigi að hætta að framleiða Guiding Light. Meira um málið hér!

ætli hún sé í boði rio tinto þessi?

Eftir að ég heyrði Lounge Act fyrir tilviljun um daginn í bílnum hennar Láru hef ég ekki getað hætt að hugsa um þá. Svo að fjórtán árum eftir að Fjóla systir týndi gjörvöllu Nirvana-safninu mínu hef ég ákveðið að endurheimta það niður í smæstu smáatriði. Verði mér að góðu.

I’m worse at what I do best
And for this gift I feel blessed
Our little group has always been
And always will until the end

Sumar fréttir eru nýrri en aðrar á mbl.is. Í dag tókst þeim að grafa skammarlega rýra frétt sína um að Katrín Jakobsdóttir, menntamálaráðherra, hefði rekið stjórn LÍN með Gunnar Birgisson í fararbroddi.

Ég get ekki ímyndað mér þann námsmann sem hefur ekki langaði til að dansa pínulítið í stofunni sinni í dag.

ekki þorði geir að reka davíð. hver þorir því þá?

Ég hef lengi haldið því fram að helsta ástæða þess að ISG hafi hangið í þessu stjórnarsamstarfi sé loforð Geirs um að sækjast eftir Evrópusambandsaðild. Ég held nefnilega að Sjálfstæðisflokkurinn sé besta von Samfylkingar um að komast nálægt aðild. Steingrímur J. myndi hlæja að þeim og Simmid D. og Framsókn eiga ekki eftir að gera það ef að ekki verður hægt að semja um auðlindirnar okkar. Og um þær verður ekki samið, því þá væru Norðmenn löngu búnir að sækja um.

Afdönkuð flokkspólitík ræður því enn um sinn örlögum óánægðra Íslendinga, vonandi breytist það í dag. Ég held við mótmælum bara þangað til.

Ég verð nú að játa að það er óskaplegur léttir að finna angann spriklandi inn í sér svona í miðri byltingu. Samkvæmt þeim hundruðum bóka og vefsíða sem ég hef lesið um efnið tekur heyrnin við sér um þessar mundir. Hvernig ætli það sé að það fyrsta sem að maður heyrir í veröldinni sé samsláttur skeiðar og skaftpotts úr +365 línunni frá IKEA undir söngli um vanhæfa ríkisstjórn?

Svona birtist sápukúlublásarinn tæplega 12 vikna. Núna er hann 18 vikna sem þýðir að bráðum fæ ég nýjar myndir á ísskápinn. Ég hlakka til :)

…hittir naglann á höfuðið. Lesið pistilinn hennar. Hann má finna hér.

Jói bróðir virðist vera að slá í gegn sem einn af aðal kreppuljósmyndurunum þennan vetur sbr. myndina sem ég birti hér neðar á síðunni. Nú síðast í gær tók hann þessa prýðilegu mynd af ‘varnaraðgerðum’ lögreglu. Áfram Jói!

Meiri morð á Gaza, meiri spilling í pólitík, lélegt aðhald fjölmiðla, afvegaleiddir röflarar væla um grímur, fólk borið úr íbúðum sínum, afskriftir lána, pólitískar ráðningar, þið eruð ekki þjóðin, ekki hefð fyrir að fordæma barnamorð, engin ástæða til að ráðherra víki, borga inn á sjúkrahús, róbert wessmann á stöð 2 (gubb), pólitísk bankaráð, hærri vextir, skuldir bjólfanna borgarðar á meðan mínar hækka, óléttar konur á patró rúnta á akranes þegar ófært er á ísafjörð, námsmenn eru að væla og svo framvegis…

(hverju er ég að gleyma?)

Þegar þýða á frétt getur eitt og annað farist fyrir. Sumt er skiljanlegt því á tungutaki og frásagnarhætti getur verið erfitt að átta sig á. Sumt er þó borðleggjandi. Á DV.is má sjá frétt um mann sem seldi dóttur sína. Hún er svona:

Seldi dóttur sína fyrir bjór og peninga

Lögreglan í Greenfield í Bandaríkjunum hefur handtekið karlmann sem grunaður erum að hafa selt fjórtán ára dóttur sína til hjónabands í skiptum fyrir peninga, bjór og kjöt.

Að sögn lögreglu virðist stúlkan hafa verið viljug til að yfirgefa föður sinn fyrir piltinn en þar sem hún er undir lögaldri hafa mennirnir báðir verið handteknir. Faðirinn fyrir mansal en pilturinn fyrir að hafa samræði við stúlkuna. Greenfield er lítið bændasamfélag í miðríkjum Bandaríkjanna en að sögn lögreglu eru skipulögð hjónabönd stúlkna undir lögaldri vandamál í samfélaginu.

Þegar fréttin er gúggluð kemur annað í ljós. Svona birtist hún hjá Monterey Herald.

Police say Greenfield man sold daughter for marriage

Greenfield police say they arrested a 36-year-old man who arranged to sell his 14-year-old daughter to a man for marriage in exchange for $16,000, 150 cases of beer, several cases of meat and soda and wine.

He said the girl apparently went willingly to the young man’s home, but at 14 she is under the state’s age of consent and can’t legally marry.

Hér er svo færsla um Greenfield á Wikipediu en þar kemur skýrt fram hvar bærinn er staðsettur - fyrir þá sem höfðu ekki séð það út ennþá.

Það eru ekki margir sem vita að það var litli bróðir minn, Jóhannes Gunnar Skúlason (einnig þekkur sem Lilli-Mjási) sem tók þessa mynd af honum Gunna með skiltið sitt í haust. Af bróður mínum er ég afar montin, hann tekur sérlega fínar myndir en þær má sjá hér. Ég hvet sem flesta til að kíkja á þær, mótmælamyndirnar hans eru margar mjög magnaðar. Svo er ekki verra að gefa drengnum kredit þegar verið er að birta fínu myndina hans en það virðist hafa gleymst víða á internetinu.

Áfram Jói!

Það er ekki einleikið hve stjórnvöld eru á skjön við það sem er að gerast í heiminum fyrir utan kokteilboðin þeirra. Enn og aftur sýnir Þorgerður Katrín Íslendingum hve lítið hún veit um ástand mála í Palestínu. Röflandi um Fatah og Hamas eins og þar sé fólk sem mögulega getur valdið jafn miklum viðbjóði og Ísraelsmenn hafa gert. ISG virðist vera að koma til en þó ekki svo að Íslendingar slíti stjórnmálasambandi við morðingjana í Ísrael. Geir Hilmar vælir í klippinu um að ekki tíðkist að stjórnvöld taki afstöðu í svona málum. Eh… en bíddu? Hvað er þennan andskotans lista staðfastra þjóða? Vorum við ekki á honum árum saman? Styðjandi ófögnuð Bandaríkjamanna í Afganistan og Írak? Ég kalla það afstöðu þótt að Geir geti vafalaust fundið einhver bullrök eins og NATÓ-aðild sem ástæðu. Við þurftum ekki að taka afstöðu með Nató þá frekar en við þurfum að taka afstöðu með Ísrael núna.

Ég vona að einhverjum detti í hug að senda Þorgerði Katrínu þennan link. Hún getur hugsað til hans næst þegar hún ætlar að væla um illmennin í Palestínu eða þvaðra lúxusvandamálin sín í DV.

Þegar ég sé lík saklausra barna liggjandi eins og hráviði úti á götu tárast ég yfir samviskuleysi íslenskra stjórnvalda (og reyndar meðvirkni heimsins almennt). Þið ættuð að skammast ykkar!